08 май 14:28
Янгиликлар
Теннис
Исмоилов - Файзиев. “Қарши Челленжери”да ўзбек дербиси бўлиб ўтди
Қарши шаҳрида теннис бўйича “Челленжер” туркумига кирувчи турнирнинг асосий тўр баҳслари бошланди.
Соврин жамғармаси 75 000 АҚШ долларини ташкил қилувчи мусобақада дунёнинг кўзга кўринган теннисчилари иштирок этишяпти. Украиналик Сергей Стаховский турнирнинг биринчи ракеткаси сифатида ҳаракат қилади.
Эътиборлиси, ҳозиргина якунига етган учрашувда Темур Исмоилов ва Санжар Файзиев ўзаро учрашувда муносабатларига ойдинлик киритиб олишди.
Бир соату 47 дақиқа давом этган баҳсда тажрибали ҳисобланган Файзиев терма жамоадаги дўстини 6:3, 7:6(7:4) ҳисобида таслим этиб, иккинчи даврага йўлланма олди.
Таққослаш учун, Файзиев дунё рейтингида 316, Исмоилов эса 424-ўринни эгаллаб турибди.
Ҳавола :
Манба : olamsport.com
Фикрлар