"Испан тилли аудиторияга жангни сотган бўлардик" - Лопес Топурияга қарши жанг қилмоқчи

"Агар менинг фойдамга аргументлар келтиришни сўрашса, шундай дердим: "Менда яхши серия бор, рейтингли жангчилар устидан ғалаба. Илия эса мендан юқорида турган жангчиларни мағлуб этиб бўлди. 

Биз дивизионнинг янги қонимиз, бу жанг ярименгил вазн тоифасининг янгиланишига олиб келади. Сўнгги йилларда чемпионлик жангларида Волкановски ёки Холлоуэй иштирок этиб келди.

Бундан ташқари бу жангни Испания ёки Лотин Америкасидаги бошқа мамлакатлардан бирида ўтказиб, испан тилли аудиторияга сотиш мумкин", - деди Диего Лопес.