Испания ВАР раҳбари Левандовскининг голи нега ҳисобга олинмаганини тушунтириб берди

"Барселона" ҳужумчиси "Сосьедад" дарвозасига гол урганидан сўнг ҳакам Гильермо Куадра Фернандес ВАР ёрдамида офсайд бўлганини эълон қилди. Яримавтомат технология офсайдни аниқлашда ёрдам берди. Польшаликнинг бутсаси рақиб ҳимоячисиникидан дарвозага яқинроқ эди.

"Технология ишга киришиб, ўйиндан ташқари ҳолат бўлганини аниқлади, яна нима дейиш мумкин. Технология футболга, ҳакамга ёрдам беряпти ва мана шундай вазиятларда бизга кўмаклашмоқда.

Билимсизлик туфайли кўп танқид қилишади. ВАР трансляцияда мавжуд бўлмаган қўшимча 10 та камера билан ишлайди. Ҳар бир футболчининг 29 та нуқтаси кузатиб борилади, уларнинг орасида оёқ ҳам бор.

Офсайд қайд этилди, ҳакамга бу ҳақида етказишди ва у голни бекор қилди. Бунақаси ҳар бир ўйинда содир бўлиши мумкин", - деди ВАР раҳбари Карлос Клос Гомес.