29 ноя 08:47
Янгиликлар

Теннис

Испанияни мағлуб этган Россия "Дэвис Кубоги" 1/4 финалига чиқди

Теннис бўйича эркаклар терма жамоалари ўртасида норасмий жаҳон чемпионати ҳисобланган Дэвис Кубогида гуруҳ босқич баҳслари якунига етди.

Чемпионлик учун асосий даъвогар Россия терма жамоаси гуруҳнинг сўнгги учрашувида Испаниядан устун келди. Андрей Рублёв ва Аслан Карацев жуфтлик баҳсида Марсель Гранольерс ҳамда Фелисиано Лопес ҳамкорлигидан устун келди - 4/6, 6/2, 6/4.

Шу тариқа, терма жамоалар ўртасидаги учрашув ҳисоби 2:1 кўринишига келди ва Россия чорак финал иштирокчисига айланди. Улар бу босқичда Швецияга қарши баҳс олиб боришади. Бу жуфтлик ғолиби 1/2 финалда Буюк Британия ёки Германияга қарши кортга чиқади. Испания эса мусобақадаги иштирокини якунлади.