Исраэль Адесанья: "Бу жанг катта пул келтиради"

"Чимаевнинг Гилберт Бёрнс билан жанги менга ёқди. Жангдан кейин: "Бу йигитнинг жасорати бор экан", - дедим. Бироқ, у Камару Усман ёки Леон Эдвардсни мағлуб этади, деб ўйламайман. Висенте Люке билан жанг ҳам унга қийинлик қилади.

Лекин агар Хамзат бу йигитларнинг бирортасини ютиб, чемпионликка эришса ва уни бир неча бор ҳимоя қилиб, мен билан жанг қилиш истагини билдирса, жангга рози бўламан.

Менга Чимаев ёқади, чунки бу жанг катта пул келтиради. Қуйироқдаги вазн жангчиларига "вызов" ташлашни ёқтирмайман, бироқ бу "вызов" эмас. Чимаев ўрта вазнда жанг қилган, бу катта пулли жанг ва бу менга ёқади", - деди Адесанья.

Маълумот учун, Исраэль сўнгги бор жорий йил февралида, Роберт Уиттакерга қарши жанг қилган эди. Эртага у камарини Жаред Канноньердан ҳимоя қилади. 

Аввалроқ, Дана Уайт Адесанянинг навбатдаги рақиби ким бўлишини айтган эди.