Исраэль Адесанья UFC раҳбарларига қайтаётани хабарини берди, рақиб ҳам маълум

Исраэль Адесанья бу ҳақда промоушен боссларига хабар берди. У ҳатто рақибини ҳам айтди. 

"Сўнгги жангимдан кейин спарринг машғулотини ўтказмадим. Лекин Камару Усман билан бирга ўтказган спаррингимдан кейин тушуниб етдимки, мен яна бемалол катта жангларда иштирок эта олишимни тушуниб етдим. Хантер Кэмпбелл билан гаплашиб, октагонга қайтиш фурсати етганини айтдим. Мен Шон Стриклендга қарши жанг ўтказишни истайман. Менга реванш керак. Мағлубият учун ўч оламан. Қарзимни қайтаришим лозим", – деди Адесанья мураббийи Дэвид Гоггинс билан суҳбатда.

Маълумот учун, Исраэль 2023 йилнинг сентябрь ойида ўрта вазн тоифасидаги UFC чемпионлик камарини қўлдан чиқарганди. Ўшанда у беш раунд тўлиқ давом этган жангда Шон Стриклендга очколар ҳисобига кўра имкониятни бой бериб қўйган эди.