04 янв 07:41
Янгиликлар

Бокс/ММА

Исроил Мадримов барибир кейинги жангини чемпионлик камари учун ўтказадиган бўлди. Рақиб ҳам аниқ!

Аввалроқ, бокс бўйича Ўзбекистон терма жамоаси бош мураббийи Тўлқин Қиличев биринчи ўрта вазн тоифасида ўзбекистонлик профессионал боксчи Исроил Мадримовнинг январь ойида чемпионлик жангини ўтказиши ҳақида гапирган эди.

Маълум бўлишича, 27 январь куни ўтиши лозим бўлган WBA йўналишидаги чемпионлик жангида ҳамюртимизга британиялик Жеймс Меткалф рақиблик қилиши керак бўлган. Бироқ Меткалф жангни рад этди. Жеймс буни қуйидагича изоҳлади:

"Гонорар миқдори унчалик катта эмас эди, бироқ менда жангга тайёрланиш учун вақт етарлича эди".

Маълум бўлишича, WBA йўналишидаги мажбурий даъвогар Исроил Мадримов жамоаси вакант камар учун жангга россиялик Магомед Курбанов билан келишувга эришган. Чемпионлик жанги тез орада расман эълон қилинади.