Исроил Мадримов бўлажак жанги олдидан нималар деди?

У 25 январь тонгида Лас-Вегас шаҳридаги Fontainebleau мажмуасида ташкил этиладиган проф бокс оқшоми доирасида Доминикан Республикаси вакили Луис Дэвид Салазарга қарши баҳс олиб боради.

"Алҳамдулиллаҳ. Қайтганимдан хурсандман. Охирги жангимдан кейин жароҳатлар, танамда муаммолар пайдо бўлганди. Лекин ҳозир ўзимни яхши ҳис қиляпман. Жангга тайёрман. Рақибимга ҳурматни сақлаган ҳолда жангни қабул қилгани учун миннатдорчилик билдираман. Шанба куни яхши жанг ўтказамиз, деган умиддаман. Бу йилги режараларим жуда катта. Ҳозир бор эътиборимни фақат шанба куни бўладиган жангимга қаратганман. Кейин нима бўлишини эса кўрамиз. Мен катта номлар билан жанг қилишни ва камарларни қўлга киритишни хоҳлайман", дейди Мадримов.