Исроил Мадримов чемпионлик камари учун «текин»га жанг қилдими?

Магомед Қурбонов Исроил Мадримов билан баҳсдан сўнг «Иккимиз ҳам текинга жанг қилдик», - деган эди. Исроил Мадримов ушбу вазиятга ойдинлик киритди.

«Иккаламизнинг ҳам мақсадимиз камар учун жанг қилиш эди. Гонорар у қадар муҳим эмасди. Текин деганда мутлақо текин эмас, жанг бўлиши учун кам миқдордаги гонорар бўлган. Биз жангга ўтган йили сентябрь ойидан тайёргарликни бошлаганмиз. Ноябрь ойида жанг бўлиши керак эди. Кейин декабрга, январга ўтди - рақибимиз рози бўлмаганидан сўнг февралга кўчирилди. У ойда ҳам бўлмаганидан кейин мартга кўчди. Спортчи шунча тайёргарликдан кейин гонорарга қараб ўтирмайди. Менда ҳам Магомедда ҳам жанг бўлса бўлди деган ҳаёл бор эди. Гонорар кам бўлгани учун Қурбонов текин деб айтиб ўтган бўлиши мумкин».