25 янв 08:20
Янгиликлар
Бокс/ММА
Исроил Мадримов иштирокидаги жанг тўлиқ давом этди
Лас-Вегас шаҳрида "Matchroom Boxing" компанияси томонидан профессионал бокс оқшоми ташкил этилди.
Ушбу жанг кечаси доирасида ҳамюртимиз Исроил Мадримов ҳам рингга кўтарилди. Бу сафар боксчимизга Доминикан Республикаси вакили Девид Луис Салазар рақиб бўлди.
10 раундга мўлжалланган жанг тўлиқ давом этди ва унда Мадримов очколар эвазига ғалаба қозонди. Ҳакамлар жанг бир овоздан 99-91 ҳисобларида баҳолашди.
Маълумот учун, Исроил Мадримов бунгача сўнгги иккита жангини Теренс Кроуфорд ва Виржил Ортисга қарши ўтказиб, имкониятни бой берганди.
Бугунги муваффақият орқали боксчимиз яна ғалабали йўлни бошлаб олди.
Ҳавола :
Манба : olamsport.com
Фикрлар