06 окт 07:08
Янгиликлар
Бокс/ММА
Исроил Мадримов "Madison Square Garden"да рингга кўтарилди
Боксчимиз Исроил Мадримов бугун АҚШда навбатдаги жангини ўтказди.
Нью-Йоркдаги машҳур "Madison Square Garden" аренасидаги жанг Мадримов учун профессионал фаолиятидаги тўртинчиси эди. Мазкур баҳсда ҳамюртимизга мексикалик Алехандро Баррера рақиблик қилди.
10 раундга мўлжалланган жанг 5 раунд давом этди. Боксчимиз биринчи раундда рақибини нокдаун ҳолатига туширди. Бешинчи раундда эса ўзининг кетма-кет зарбалари эвазига рақибини мувозанатдан чиқарди. Айнан ўша паллада рефери жангни тўхтатди. Шу тариқа, Мадримов фаолиятидаги тўртинчи жангини ҳам нокаутли ғалаба билан якунлади.
Шу тариқа, Исроил ўзига тегишли WBA InterContinental камарини ҳимоя қилди.
Ҳавола :
Манба : olamsport.com
Фикрлар