Исроил Мадримов: Менимча, бу жангда Фьюри ғалаба қозонганди

Оқшомнинг марказий жангида супероғир вазн тоифасида WBC йўналиши чемпиони америкалик Деонтей Уайлдер собиқ жаҳон чемпиони британиялик Тайсон Фьюрига қарши рингга кўтарилди. 

Ўн икки раундга мўлжалланган жанг бироз кутилмаган натижа билан якунланди. Жанг давомида икки бор нокдаун ҳолатига тушиб қолган Фьюри якунда дурангга эриша олди. Ушбу жанг ҳақида яқиндагина профессионал боксда дебют қилган ҳамюртимиз Исроил Мадримов ўз фикрини билдирди. 

- Кўпчилик қатори мен ҳам ушбу жангни интизорлик билан кутган эдим. Чемпионлик жанги кутилганидан ҳам аъло даражада ўтди. Фьюри мени хайрон қолдирди. Икки йил катта боксдан йироқда бўлган британиялик боксчи чиройли қайта олди. Шахсий фикрим, бу жангда Фьюри ғалаба қозонган эди. 

Нега? Чунки, унинг ғалаба қозонган раундлари сони кўпроқ бўлди. Бу ҳолат боксчиларга яққол сезилади. Ҳа, Уайлдер рақибини икки бор нокдаун ҳолатига тушириб қўя олди. Аммо, умумий олганда, Тайсон ғалабага ҳақлироқ эди, - деди Мадримов.