Исроил Мадримов Мишель Сородан "қутулган" кўринади, Соронинг навбатдаги рақиби ва жанг санаси маълум бўлди

Биринчи ўрта вазнда франциялик профессионал боксчи Мишель Соронинг (35-3-2) навбатдаги жанги қачон ва қаерда бўлиши маълум қилинди.

Унга кўра, Соро 6 май куни россиялик Магомед Қурбоновга (24-0) қарши рингга кўтарилади. Жанг Екатеринбургда ташкил этиладиган RCC Boxing Promotions оқшоми доирасида ўтказилиб, марказий жанг мақомида бўлиб ўтади.

Боксчилар 2019 йилда WBA чемпионлик камари учун жанг қилиши лозим эди, бироқ жанг бекор қилинган эди.

Эслатиб ўтамиз, Соро сўнгги икки жангини ҳамюртимиз Исроил Мадримовга қарши ўтказган эди. Биринчи Мадримов ғалаба қозонган бўлса, реванш жангида Соронинг жароҳат олиши натижасида дуранг эълон қилинган.