Исроил Мадримов Муроджон Аҳмадалиевнинг рекордини янгилашга тайёр

Ушбу ғалабадан сўнг ҳамюртимиз WBA рейтингида иккинчи ўринга кўтарилиб олди. Boxer_TV каналининг менежер Алик Фроловга таяниб маълумот беришича, агар ушбу йўналиш чемпионлари Эрисланди Лара (WBA Regular) ёки Хейсон Росарио (WBA Super) лардан бирини танлаш таклифи бўлса, Мадримов Аҳмадалиевнинг рекордини янгилашга тайёр эканлигини ҳам маълум қилди. 

Қайд этиш лозимки, айни пайтда Доминикан Республикаси боксчиси Хейсон Росарио биринчи ўрта вазнда WBA Super камаридан ташқари IBF йўналиши чемпиони ҳам ҳисобланади. 

Ёдингизда бўлса, Аҳмадалиев январь ойида Даниель Романни мағлубиятга учратиб, саккизта жангдаёқ иккита камар соҳибига айланганди. Агар Мадримов келаси икки жангидан бирини Росариога қарши ўтказиб, ғалаба қозона олса, бу борада жаҳон рекордчисига айланади.