06 дек 16:26
Янгиликлар
Бокс/ММА
Исроил Мадримов Ўзбекистонга қайтди. Боксчимиз терма жамоа аъзолари билан шуғулланмоқда
Биринчи ўрта вазн тоифасида ўзбекистонлик профессионал боксчи, WBA камарига даъвогар Исроил Мадримов (9-0-1) юртимизга қайтиб келди.
Боксчимиз уч ой давомида АҚШда навбатдаги жангига тайёргарлик олиб борган эди.
Июль ойида Мадримовнинг вакант бўлиб турган WBA чемпионлик камари учун россиялик Магомед Курбанов билан жанг қилиши хабар қилинган эди. Аммо Исроилнинг навбатдаги жанги ҳозирча расман эълон қилинмади.
Исроил Мадримов уч ойлик машғулотлардан сўнг АҚШдан Ўзбекистонга қайтиб келди ва у айни кунларда бокс бўйича миллий терма жамоамиз билан биргаликда Янгиободдаги йиғинда қатнашмоқда.
Эслатиб ўтамиз, 28 ёшли Исроил Мадримов сўнгги жангини 2023 йил апрель ойида Рафаель Игбоквега қарши ўтказиб, ҳакамларнинг якдил қарори билан ғалаба қозонган эди.
Ҳавола :
Манба : olamsport.com
Фикрлар