Исроил Мадримов Теренс Кроуфорд билан бўлган суҳбатини эслади

"Фаолиятини тугатишини эълон қилишидан олдин биз учрашгандик. У менга "тамом, мен тугатдим, спорт менга энди керак эмас, барчасига эришдим ва пул ортидан қувмайман", деди. Унга бу нарсалар қизиқ эмас. Унда керакли ҳамма нарса бор. Яратган уни асрасин. Мен у учун жуда хурсандман.

У шундай деганида, мен "балки шунчаки айтяптими, кейин катта таклиф чиқса, рози бўлар" деб ўйлагандим. Лекин у йўқ, деди. Унга фарқи йўқ экан. Мен ишонаман, Теренс — сўзида турадиган инсон. У айтдики, истаги — ном қолдириш, спортни барча замонларнинг энг буюкларидан бири сифатида, рекордида бирорта ҳам доғ қолдирмасдан тарк этиш. Мен буни ҳурмат қиламан ва унга соғлиқ ҳамда оиласига фаровонлик тилайман.

Агар Теренс Кроуфорд энг буюк бўлмаса, охирги ўн йилликдаги энг буюк жангчилардан бири. У ўзига хос ютуқларга эга, ноёб жангчи. Мен учун у афсона. У билан рингга чиққанимдан фахрланаман ва у билан яхши муносабатдаман. Жанг олдидан ҳам, жанг ҳафтасида ҳам уни ўрнак бўладиган севимли жангчим деб айтганман. У учун жуда хурсандман ва фақат энг яхши тилакларни билдираман", - деди Мадримов.