Исроил Мадримов ва Отабек Холматов иштирокидаги жанглар йилнинг энг яхшилари бўлиши мумкин

Эътиборлиси, сўровномалардан ўзбекистонлик профессионал боксчилар иштирокидаги жанглар ҳам ўрин олди.

Жумладан, ярименгил вазн тоифасидаги Отабек Холматовнинг WBA камари йўлида америкалик Раймонд Фордга қарши ўтказган баҳси йилнинг энг яхши раунди (12) ва йилнинг энг яхши жанги номинациясида номзод сифатида киритилган.

Ёдингизда бўлса, ўша жангда Форд ҳамюртимизни 12-раунднинг сўнгги сонияларида техник нокаут эвазига мағлуб этганди. Алам қиладиган ҳолат шундаки, рефери томонидан жанг тўхтатилгунига қадар Холматов очколар ҳисобига кўра олдинда бўлганди.  

Бундан ташқари, супер яримўрта вазн тоифасидаги вакилимиз Исроил Мадримовнинг машҳур Теренс Кроуфордга қарши чемпионлик ҳимоя жанги йилнинг энг яхши оқшоми номинациясига киритилган.

Жангда Кроуфорд очколар ҳисобига кўра ғалаба қозонганди.