Исроил Мадримов венесуэлалик рақиби ҳақида гапирди

Биринчи ўрта вазн тоифасида WBA Inter-Continental чемпионлик камари соҳиби бўлиб турган 24 ёшли ҳамюртимиз АҚШнинг Фриско шаҳрида венесуэлалик Чарли Наваррога қарши рингга чиқади. Ғолиб боксчи чемпионлик камари учун жанг ўтказиш ҳуқуқини қўлга киритади.     

- 2020 йил ҳисобидан дастлабки жангим Фрискодаги катта бокс оқшомида ўтказилаётганидан хурсандман. Дўстим Муроджон Аҳмадалиевнинг Дэниэл Романни мағлуб этиб, икки йўналишда жаҳон чемпиони бўлгани мени ҳам руҳлантириб юборди. Шундан келиб чиқиб шу йилнинг ўзида жаҳон чемпиони бўламан деб ўз олдимга мақсад қўйдим. Наварро тажрибали, ҳақиқий кучимни чамалаб олиш учун муносиб рақиб. Бўлажак жангда вазн чемпионларининг камарлари учун муносиб даъвогар эканимни исботлайман, - деди Мадримов. 

Маълумот учун, Мадримов - Наварро бокс кечасининг марказий жанги Майки Гарсия ва Жесси Варгас ўртасида бўлиб ўтади. Собиқ жаҳон чемпионлари ўртасидаги жанг вакант бўлиб турган WBC Diamond камари учун кечади.