Исроил Мадримовнинг жанги чемпионлик учун саралаш вазифасини ўтайди + ФОТО

Ҳамюртимиз шу куни венесуэлалик Чарли Наваррога қарши рингга кўтарилади. Айни пайтда Intercontinental камари соҳиби бўлиб турган Мадримов WBA рейтингида 3-ўринни банд этган. 

Эътиборга молик жиҳати шундаки, Бутунжаҳон бокс ассоциацияси (WBA) раҳбарияти Исроил Мадримов иштирокидаги жанг ғолиби ушбу вазнда WBA чемпиони Эрисланди Ларанинг камарига расмий даъвогарга айланишини маълум қилди. 

Демак, чемпионлик жанги яқин! Мадримов шу кунгача 4 та жанг ўтказган ва уларнинг барчасида нокаут эвазига ғалаба қозонган. Наварро эса профессионал рингда 38 та жанг ўтказиб, 29 тасида ғалаба қозонган. Ҳисобида 22 та нокаутли ғалаба бор. Тўққизта жангда мағлубият аламини тотиб кўрган (3 та нокаут). 

Маълумот учун, Мадримов - Наварро жанги АҚШнинг Техас штатидаги Фриско шаҳрида ўтказилади. Кечанинг марказий жангида эса Майки Гарсия Жесси Варгасга қарши рингга кўтарилади.