08 июл 21:53
Янгиликлар

Бокс/ММА

Исроил Мадримовнинг жанги Ўзбекистонда трансляция қилинади(ми?)

Аввал хабар берганимиздек, эртага ҳамюртимиз Исроил Мадримов Мишель Сорога қарши реванш жангини ўтказади.

Бокс кечаси Лондонда, Тошкент вақти билан 23:00да бошланади.

Кечадан саккизта жанг ўрин олган бўлиб, ҳамюртимизнинг жанги марказий Дерек Чисора — Кубрат Пулев тўқнашувидан аввал, co-main event мақомида бўлиб ўтади. Исроилнинг жанги бизнинг вақт билан соат 00:30 атрофида бошланиши кутилмоқда. Аҳамиятлиси, ушбу жангни Zo'r TV телеканали юртимизда намойиш этади. Бу ҳақида телеканал "Бу кун" дастурида анонс қилди.

Маълумот учун, жанг WBA Eliminator камари учун бўлиб ўтади ва ғолиб Жермелл Чарлонинг WBA камарига мажбурий даъвогарга айланади.

Аввалроқ, Исроилнинг жанг олди тарозидан ўтгани ҳақида хабар берган эдик.