Исроил Мадримовнинг вазнидаги Тим Цзю чемпионлик камарига мажбурий даъвогарга айланди

Бу ҳақда BoxingScene хабар бермоқда. Август ойининг бошларида Цзю ва россиялик Магомед Курбанов вакиллари WBО билан боғланишди ва ўз боксчиларининг рейтингда биринчи ўрин ва мажбурий даъвогар позициясини олишига далиллар келтирдилар. Муҳокамадан сўнг, WBО Цзюни даъвогарликка номзод қилиб танлади.

Манбага кўра, бу Цзю ва WBО чемпионлик камари эгаси Браян Кастаньо ўртасидаги жанг яқин келажакка режалаштирилмаган. Агар Кастаньо ва Жермелл Чарло жамоалари мутлақ жаҳон чемпионлиги учун жанг ўтказишга рози бўлишса, WBО мажбурий ҳимояни кейинга қолдиради.