"Исроил ва Трампдан миннатдорман" — Стрикленд UFC Freedom 250 кардида йўқлиги ҳақида

"Мен шунчаки Исроил ва Дональд Трампга эртага уйғонганимизда катта қизил чизиқни кўрганимиз учун миннатдорлик билдирмоқчиман. Умид қиламанки, баъзиларингиз Эронда оммавий қирғин қуроллари бор экан, нафақага чиқишга ҳаракат қилмайди... Ёки тўхтанг, Ироқми? Ким билади.

Шунинг учун бўлса керак, мени ва террорчини Оқ уйдаги кардга таклиф қилишмаяпти, ҳа-ҳа!", - деб ёзди Стрикленд Х ижтимоий тармоғидаги аккаунтида.

Обуначиларнинг изоҳларига жавобан у тадбирда "бир тўда хорижликлар" иштирок этишини ҳам қўшимча қилди. "Майли, бир тўда чет элликлар Оқ уйда муштлашсин. Ғалати, аммо бу мамлакат учун рамзий маънога эга", - деди Шон.

UFC 14 июнь куни бўлиб ўтадиган турнир кардини расман эълон қилди. Оқшомнинг асосий жанги испаниялик чемпион Илия Топурия ҳамда америкалик даъвогар Жастин Гэтжи ўртасида бўлиб ўтади. Co-main event жангида бразилиялик Алекс Перейра ва франциялик Сирил Ган ўзаро баҳс олиб боради.

Аввалроқ Стрикленд Дональд Трампни қўллаб-қувватлагани учун карддан жой олиши кутилганди. Бироқ сўнгги ойларда Шон АҚШ президенти маъмуриятини танқид қилган, шунингдек, Жеффри Эпштейн атрофидаги вазият туфайли Оқ уйдаги турнирга қизиқиш йўқлигини айтганди.

АҚШ президенти аввалроқ Эрон яманлик ҳусийларнинг ҳар қандай ҳужуми учун "даҳшатли бадал" борлигини айтганди.