18 июл 19:36
Янгиликлар

Теннис

Истомин икки кун давом этган баҳсда Фоминни мағлуб этди, Султонов жуфтликда ҳам ютқазди

Қозоғистоннинг Астана шаҳрида теннис бўйича "Челленжер" туркумига кирувчи турнир давом этмоқда.

Мусобақанинг жуфтликлар баҳсида ўзбек теннисчилари бир-бирларига қарши кортга чиқишди. Тажрибали Денис Истомин россиялик Евгений Карловский билан бирга 1/8 финалда яна бир теннисчимиз Сергей Фомин ҳамда қозоғистонлик Григорий Ломакин ҳамкорлигини 6/2, 4/6, тай-брекда 12/10 ҳисобида таслим этди.

Яккалик баҳсларидаги иштирокини биринчи даврадаёқ якунлаган мусобақанинг амалдаги вице-чемпиони Ҳумоюн Султонов жуфтликда ҳам ютқазди. Мамлакатимизнинг биринчи ракеткаси ҳиндистонлик Картик Ганта билан бирга япониялик теннисчилар Сейта Ватанабе ва Юзуки Такеру тандемига 4/6, 4/6 ҳисобида имкониятни бой берди. Япониялик теннисчилар турнирнинг иккинчи рақамли жуфтлиги ҳисобланади.