16 окт 15:44
Янгиликлар

Теннис

Истомин Kremlin Cup саралашида кортга чиқди

Хабар берганимиздек, 18-24 октябрь кунлари Россия Федерациясининг Москва шаҳрида теннис бўйича нуфузли ATP турнирининг асосий тўр баҳслари бўлиб ўтади.

Мукофот жамғармаси 779,515 долларни ташкил қилувчи мусобақада ҳамюртимиз Денис Истомин ҳам ўз омадини синаб кўрди. Кутилганидек, мамлакатимизнинг биринчи ракеткаси ҳозиргина якунига етган учрашувда австриялик Юрий Родионовга имкониятни бой бериб қўйди - 4/6, 2/6.

Таққослаш учун, Истомин айни пайтда ATP рейтингида 224, Родионов эса 142-ўринни эгаллаб турибди. Бу теннисчиларнинг ўзаро ўтказган иккинчи учрашуви бўлди. Улар 2020 йилнинг 29 февраль куни АҚШдаги "Челленжер" турнирининг ярим финалида ўзаро тўқнаш келишган ва ўшанда Денис рақибини 6/3, 7/6(1) ҳисобида мағлуб этганди.