02 окт 06:51
Янгиликлар

Теннис

Истомин Нур-Султан турнири жуфтлигида 1/4 финалга чиқди

Қозоғистоннинг Нур-Султан шаҳрида теннис бўйича "Челленжер" туркумига кирувчи турнир давом этмоқда.

Ушбу мусобақада мамлакатимизнинг биринчи ракеткаси Денис Истомин ҳам ўз маҳоратини намойиш этяпти. Ҳамюртимиз жуфтлик баҳсларидаги ўйини билан турнирдаги иштирокини бошлаб олди. Денис россиялик бир неча йиллик ҳамкори Михаил Елгин билан жуфтлик ҳосил қилган.

Асосий тўрда имтиёзли йўлланма асосида қатнашаётган Денис ва Михаил 1 соату 17 дақиқа давом этган нимчорак финал учрашувида россиялик Алексей Ватутин ҳамда франциялик Мануэль Гинар жуфтлигини 6:1, 7:6(5) ҳисобида таслим этишди.