26 июл 08:01
Янгиликлар
Бокс/ММА
Италия МОҚ раҳбари мамлакатдаги сиёсий вазиятнинг 2026 йилги Олимпиадага таъсири ҳақида гапирди
Италия Миллий олимпия қўмитаси (МОҚ) раҳбари Жованни Малагонинг айтишича, мамлакатдаги сиёсий вазият 2026 йилги қишки олимпия ўйинларининг Милан ва Кортина-дʼАмпеццо шаҳарларида ўтказилишига таъсир ўтказмайди.
Эслатиб ўтамиз, аввалроқ Италия бош вазири Марио Драги ўз лавозимини тарк этган эди.
"Мен ажойиб кайфиятдаман ва Драгининг ўрнига сайланадиган инсон ечим топишига умид қиламан.
Мамлакатимиз учун яна бир муҳим саҳифа очилмоқда. Ишда кечикишлар бўлади деб ўйламайман. Аммо, биз доимо ҳукумат билан алоқада бўлишимиз керак", — деди Малаго.
Inside the Gamesʼнинг хабар беришига кўра, Олимпиада ташкилотчилари ҳомийлардан 550 миллион евро олишни режалаштирган. Аммо ҳозирча ҳеч қандай шартнома тасдиқланмаган. Италиянинг Il Fatto Quotidano нашри ҳам 2026 йилги Олимпия ўйинларни молиялаштириш билан боғлиқ муаммолар бўлиши мумкинлигини хабар қилди.
Ҳавола :
Манба : sports.ru
Фикрлар