Италияда Париж Олимпиадасига 5 та йўлланма қўлга киритган боксчиларимиз Ватанга қайтишди

Лицензион мусобақада Ўзбекистон эркаклар ва аёллар терма жамоасининг жами 9 нафар боксчиси ҳам иштирок этди ва якунда Олимпиадага 5 та йўлланма қўлга киритилди.

Эътиборлиси, Ўзбекистон эркаклар терма жамоасининг барча 7 нафар вакили Олимпия ўйинларининг чиптасини расмийлаштирган. Бу дегани Ўзбекистон бокс терма жамоаси Парижга тўлиқ таркибда - 7 та вазннинг барчасида боради. 

Қизларимизда ҳозирча 2 та лицензия бор. Қолган боксчиларимиз Таиланддаги сўнгги лицензион турнирда ўз имкониятларини синаб кўришади. Бугун тонг саҳарда терма жамоамиз делегацияси Италиядан юртимизга қайтиб келди. 

Италияда Олимпиада йўлланмасини қўлга киритган боксчиларимиз:

-50 кг: Сабина Бобоқулова

-63,5 кг: Руслан Абдуллаев

-71 кг: Асадхўжа Мўйдинхўжаев

-80 кг: Тўрабек Ҳабибуллаев

-92 кг: Лазизбек Мулложонов