UZ

Сўнгги янгиликлар

13 июл 08:17
Янгиликлар

Гандбол

Италиядаги мусобақада қатнашган гандболчиларимиз тантанали кутиб олинди

Хабар берганимиздек, ёш гандболчиларимиз Италиянинг Терамо шаҳрида 46-халқаро «Interamnia» жаҳон кубогида иштирок этиб, мусобақа ғолибига айланишганди.

Кеча мусобақада муваффақиятли иштирок этган ёш спортчиларимиз юртимизга қайтиб келишди. Уларни Ислом Каримов номидаги Тошкент халқаро аэропортида Миллий олимпия қўмитаси ҳамда Ўзбекистон гандбол федерацияси мутасаддилари, спортчиларнинг яқинлари ва оммавий ахборот воситалари ходимлари кутиб олишди.

Эслатиб ўтамиз, спортчиларимиз мусобақа давомида «Ланестер» (Франция), «Грунвальд» (Польша), «Вирум Соргенфри» (Дания), «Моунтада» (Марокаш), «Козанис» (Греция) каби жамоаларни, финалда эса Швейцариянинг «Шеноис Женева» жамоасини мағлубиятга учратиб, шоҳсупанинг энг юқори поғонасидан ўрин эгалладилар.

Қайд этиб ўтиш лозимки, бундай мусобақалар гандболчиларимизнинг олдинда турган баҳслар учун ўзига хос тайёргарлик вазифасини бажаради. Зеро, бугунги кунда юртимизда спортнинг жамоавий турларини ривожлантиришга алоҳида эътибор қаратилмоқда.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг