13 мар 12:13
Янгиликлар

Қишки спорт турлари

Жаҳон чемпионати бекор қилинди

Халқаро кёрлинг федерацияси коронавирус туфайли аёллар ўртасидаги жаҳон чемпионати ўтказилмаслигини маълум қилди.

Бу ҳақида федерация матбуот хизмати маълум қилди. Жаҳон чемпионати 14-22 март кунлари Канаданинг Принс-Жорж шаҳрида бўлиб ўтиши керак эди.

Шунингдек, ташкилот 28 март - 5 апрель кунлари Шотландиянинг Глазго шаҳрида ўтказилиши керак бўлган эркаклар ўртасидаги жаҳон чемпионатини бекор қилиш масаласини ҳам кўриб чиқмоқда.

Маълумот учун, бугунга келиб коронавирус туфайли 4,5 мингдан ортиқ инсон вафот этган.