22 окт 09:38
Янгиликлар

Спорт курашлари

Жаҳон чемпионати. Бугун Ихтиёр Наврўзов ва Магомед Ибрагимов гиламга чиқади

Венгрия пойтахти Будапешт шаҳрида спорт курашлари бўйича жаҳон чемпионати давом этмоқда.

Кеча мусобақанинг биринчи куни -74 кг вазн тоифасидаги ҳамюртимиз Бекзод Абдураҳмонов терма жамоамизга бронза медалини тақдим этганди. Бугун эркин курашчиларимиздан яна икки нафари жаҳон чемпионатининг медаллари учун гиламга чиқади.

-70 кг вазн тоифасида юртимиз спорт шарафини Рио Олимпиадаси совриндори Ихтиёр Наврўзов ҳимоя қилади. У саралашнинг биринчи босқичида япониялик Кейсуке Отагурога қарши баҳс олиб боради.

-97 кг вазн тоифасида эса Ўзбекистон номидан Рио Олимпиадаси ҳамда Осиё ўйинлари совриндори, Осиё чемпиони Магомед Ибрагимов иштирок этади. Магомед илк даврада туркиялик Фатих Ясарлига қарши гиламга чиқади. Агар рақибидан устун келса, 1/8 финалда беларуслик Александр Гуштин билан учрашади.