21 сен 22:47
Янгиликлар

Спорт курашлари

Жаҳон чемпионати. Эркин курашчимиз Ҳасанбой Раҳимов бронза медали ҳамда Олимпиада лицензияси соҳиби! ФОТОГАЛЕРЕЯ

Қозоғистоннинг Нур-Султан шаҳрида ўтказилаётган спорт курашлари бўйича катталар ўртасидаги жаҳон чемпионатининг бугунги куни Ҳасанбой Раҳимов учун омадли келди.

Йилнинг ушбу нуфузли мусобақаси Токио-2020 Олимпиадасига лицензия бериши билан аҳамиятлидир. Эркин курашнинг 125 кг вазн тоифасида ўтказилган баҳсларида юртимиз шарафини ҳимоя қилган Ҳасанбой Раҳимов жаҳон чемпионатининг бронза медали билан бирга Токио Олимпиадаси йўлланмасини ҳам қўлга киритди.

Юртдошимиз венесуэлалик Луис Фелипе Урбанежани 10:0, венгриялик Даниэль Лигетини 5:0 ҳисобида мағлуб этди. Чорак финалда туркиялик Таха Акгулга 0:3 ҳисобида ютқазиб қўйди. Ўтиш баҳсида молдовалик Александр Романовни 6:0 ҳисобида енгди. Бронза медали учун кечган учрашувда эса хитойлик Живей Денгдан 6:1 ҳисобида устун келди.