13 июн 21:48
Янгиликлар

Дзюдо

Жаҳон чемпионати эстафета байроғи Ўзбекистонга топширилди + ФОТО

Бугун Венгрия пойтахти Будапешт шаҳрида дзюдо бўйича катталар ўртасидаги жаҳон чемпионати якунига етади.

Хабарингиз бор, навбатдаги жаҳон чемпионати 2022 йилда Тошкент шаҳрида ўтказилади. Бироз аввал жаҳон чемпионати байроғи рамзий тарзда эндиги мезбонга тантанали равишда топширилди. Венгрия дзюдо федерацияси президенти Ласло Тотт жаҳон чемпионати байроғини Ўзбекистон Миллий олимпия қўмитаси раиси ўринбосари, мамлакатимиз дзюдо федерацияси раиси Азизжон Камиловга топширди.

Маросимда Халқаро дзюдо федерацияси президенти Мариус Визер иштирок этди. Жаноб Визер жаҳон чемпионатини юқори савияда ташкил этгани учун ташаккур рамзи сифатида дзюдо асосчиси Дзигаро Кано статуэткасини Ласло Тоттга тақдим этди.