04 май 08:59
Янгиликлар
Шахмат
Жаҳон чемпионати ғолиб ва совриндорлари тақдирланишди ФОТОГАЛЕРЕЯ
Аввал хабар берганимиздек, Туркияда мактаб ўқувчилари ўртасида ўтказилган Жаҳон чемпионатида ҳамюртларимиз муваффақиятли тарзда иштирок этишган эди.
Ёш шахматчиларимиз Анталиядаги жаҳон чемпионатидан 3 та олтин, 1 та кумуш ва 1 та бронза медали билан қайтишганди.
Шу муносабат билан Ўзбекистон шахмат федерацияси Халқаро шахмат академиясида ғолиб ва совриндорларни шарафлаш тадбирини ўтказди. Жаҳон чемпионатининг ғолиб ва совриндорлари федерация томонидан пул мукофоти ва эсдалик совғалари билан тақдирланишди.
Маълумот учун, 17 ёшгача бўлган ўғил болалар баҳсида Нодирбек Ёқуббоев, 15 ёшгача бўлганлар мусобақасида Жавоҳир Синдаров, 9 ёшгача шахматчилар турнирида Ҳумоюн Бекмуродов Жаҳон чемпионига айланган эди.
Шунингдек, ушбу нуфузли мусобақада Шамсиддин Воҳидов кумуш, Умида Омонова эса бронза медалига сазовор бўлганди.
Суратлар муаллифи - Алимурод Мамадаминов
Ҳавола :
Манба : olamsport.com
Фикрлар