08 июн 09:32
Янгиликлар

Дзюдо

Жаҳон чемпионати. Иккинчи кун Японияга аталди + ФОТО

Венгрия пойтахти Будапешт шаҳри мезбонлик қилаётган дзюдо бўйича катталар ўртасидаги Жаҳон чемпионатининг иккинчи кунги беллашувлари ҳам тарих саҳифаларига муҳрланди.

Кечаги кун тўлалигича япониялик дзюдочиларга аталди десак хато бўлмаса керак. Ҳар икки вазн тоифасида ҳам дзюдо ватани вакиллари шоҳсупанинг энг юқори поғонасига кўтарилишди.

Аёллар ўртасидаги -52 кг вазн тоифасида Аи Шишиме, эркаклар ўртасида Жоширо Маруяма (-66 кг) жаҳон чемпиони деган юксак номга сазовор бўлди. Шишиме ярим финалда ҳамюртимиз Диёра Келдиёровадан устун келган эди.

Кечаги кун қаҳрамонлари:

Аёллар. -57 кг вазн тоифаси

1. Аи Шишиме (Япония)

2. Ана Перез (Испания)

3. Фабиен Кочер (Швейцария)

3. Гефен Примо (Исроил)

Эркаклар. -66 кг вазн тоифаси

1. Жоширо Маруяма (Япония)

2. Мануэль Ломбардо (Италия)

3. Якуб Шамилов (Россия)

3. Баскху Йондонперенлей (Мўғулистон)