Жаҳон чемпионати қаҳрамонлари пул мукофоти билан тақдирланди + ФОТОГАЛЕРЕЯ

Бир пиёла чой устида ташкил этилган тадбирда Ўзбекистон дзюдо федерацияси раиси Азизжон Камилов иштирок этиб, мураббийлар, дзюдочилар ва делегациямизнинг бошқа барча аъзоларини жаҳон чемпионатидаги муваффақиятли иштирок билан қутлади. Федерация раҳбари бу мусобақа тарихга айлангани, бир ҳафтадан кейин дзюдочиларимизни Индонезия давлати мезбонлик қиладиган Осиё чемпионати кутиб тургани, ушбу қитъа биринчилигида ҳам муносиб тарзда қатнашиш кераклигини урғулади. 

Мураббийлар номидан сўзга чиққан Шарофиддин Лутфуллаев қўлга киритилаётган бу ғалабалар давлатимиз раҳбари томонидан қаратилаётган эътибор самараси эканини таъкидлади. Халқаро ўқув-машғулот йиғинларини ташкил этиб бераётгани, нуфузли мусобақалардаги иштирокимиз таъминланаётгани учун миннатдорлик билдирди.        

Маълумот учун, Ўзбекистон кадетлар терма жамоаси тарихда илк бор жаҳон чемпионатининг яккалик баҳсларида 5 та олтин, 2 та бронза медали билан умумжамоа ҳисобида биринчи ўринни эгаллади. Аралаш жамоавий беллашувларда эса кумуш медалларга сазовор бўлдик.