Жаҳон чемпионати. Шахматчиларимиз финишга яқинлашишяпти

Жаҳон чемпионатида юртимиз шарафини Муҳиддин Мадаминов, WFM Умида Омонова (иккиси ҳам 14 ёш), Элбек Сулаймонов (16 ёш) ҳамда Холида Намозова (18 ёш) ҳимоя қилишяпти.

Кеча ўтказилган 8-тур учрашувида тўрт нафар шахматчимиздан биргина Элбек Сулаймонов ғалаба қозонди. У Хитой Тайпейи шахматчиси Генри Вудан устун келди. Лекин у 2,5 очко билан қўшимча кўрсаткичларга кўра бор йўғи 64-ўринни эгаллаб турибди. 

Шахматчиларимиздан энг юқори ўринга эга Умида Омонова бу турда туркиялик София Ойку билан муросага келди. Саккиз имкониятдан 5 очко жамғарган Умида қўшимча кўрсаткичларга кўра 20-поғонадан жой олган. Муҳиддин Мадаминов бу турда ҳиндистонлик Адитя Самантга ютқазди. Холида Намозова эса латвиялик Рамона Голстага имкониятни бой берди.

Шахматчиларимизнинг 9-турдаги рақиблари:

Муҳиддин Мадаминов - Азиз Дегенбаев (Қирғизистон)

Умида Омонова - Тьяни Де Рике (Бельгия)

Элбек Сулаймонов - Манфредо Гаосеб (Намибия)

Холида Намозова - Жейн Варшита (Ҳиндистон)