Жаҳон чемпионати. Шахматчиларимизда юз фоизлик ғалаба!

13 октябрга қадар давом этадиган мусобақада ўзбекистонлик ёш шахматчилар ҳам ғолиблик йўлида дона суришяпти. Жаҳон чемпионатида юртимиз шарафини Муҳиддин Мадаминов, WFM Умида Омонова (иккиси ҳам 14 ёш), Элбек Сулаймонов (16 ёш) ҳамда Холида Намозова (18 ёш) ҳимоя қилишмоқда.

Эътиборлиси, кеча ўтказилган 4-тур учрашувида тўрт нафар шахматчимизнинг бари рақибларини мағлуб этишнинг уддасидан чиқишди. Муҳиддин Мадаминов ҳиндистонлик Кадам Ом Маниш, Умида Омонова россиялик Мария Алексеенко, Холида Намозова яна бир мезбон шахматчи Пател Юти, Элбек Сулаймонов эса чехиялик Ара Мартиросяндан устун келди. 

Шахматчиларимизнинг 4-турдаги рақиблари:

Муҳиддин Мадаминов - Марк Моргунов (Австрия)

Умида Омонова - Бо Хенг Кай (Хитой)

Элбек Сулаймонов - Аммар Седрани (БАА)

Холида Намозова - Стелла Станкова (Словакия)