Жаҳон чемпионати. Шахматчиларимизнинг 6-турдаги натижалари

13 октябрга қадар давом этадиган мусобақада ўзбекистонлик ёш шахматчилар ҳам ғолиблик йўлида дона суришяпти. Жаҳон чемпионатида юртимиз шарафини Муҳиддин Мадаминов, WFM Умида Омонова (иккиси ҳам 14 ёш), Элбек Сулаймонов (16 ёш) ҳамда Холида Намозова (18 ёш) ҳимоя қилишмоқда.

Кеча ўтказилган 6-тур учрашувида тўрт нафар шахматчимизнинг ҳеч бирига ғалаба қозониш насиб этмади. Муҳиддин Мадаминов қора доналарда ўйнаб, перулик Диего Сауль Флорес билан муросага келди. Умида Омонова оқ доналарда ҳаракат қилганига қарамай, ҳиндистонлик Ренганаякини мағлуб эта олмади - 0,5:0,5. Холида Намозова хорватиялик Николина Голубга, Элбек Сулаймонов эса швейцариялик Фабиан Пелликорога ютқазиб қўйди. 

Шахматчиларимизнинг 7-турдаги рақиблари:

Муҳиддин Мадаминов - Мурзин Володар (Россия)

Умида Омонова - Хия Рай (Уэльс)

Элбек Сулаймонов - Калян Канте (Шотландия)

Холида Намозова - Айтаж Хейдарова (Озарбайжон)