03 окт 08:30
Янгиликлар

Шахмат

Жаҳон чемпионати. Тўрт нафар шахматчимиз уч хил натижа қайд этди

Ҳиндистоннинг Мумбай шаҳрида шахмат бўйича 14, 16 ва 18 ёшгача бўлган ақл идрок соҳиблари ўртасида жаҳон чемпионати старт олди.

13 октябрга қадар давом этадиган мусобақада ўзбекистонлик ёш шахматчилар ҳам ғолиблик йўлида дона суришяпти. Жаҳон чемпионатида юртимиз шарафини Муҳиддин Мадаминов, WFM Умида Омонова (иккиси ҳам 14 ёш), Элбек Сулаймонов (16 ёш) ҳамда Холида Намозова (18 ёш) ҳимоя қилишмоқда.

Кеча ўтказилган 1-тур учрашувида ёш шахматчиларимиз турлича натижа қайд этишди. Ягона ғалабага Муҳиддин Мадаминов эришган. У қора доналарда ҳаракат қилишига қарамай, ҳиндистонлик рақиби Пал Аянни мағлубиятга учратди.

Умида Омонова яна бир мезбон шахматчи Хадконкар Васудев билан Холида Намозова сербиялик Катерина Нестерович билан муросага келган. Элбек Сулаймонов эса мезбон шахматчи Раахулга имкониятни бой бериб қўйди.

Шахматчиларимизнинг 2-турдаги рақиблари:

Муҳиддин Мадаминов - Айдин Сулейманли (Озарбайжон)

Умида Омонова - Челладурай Фемил (Ҳиндистон)

Элбек Сулаймонов - Олексий Билич (Украина)

Холида Намозова - Баррера Гомес (Чили)

Ҳавола :

Манба : olamsport.com

Рейтинг:

14:15

Ўқ отиш спорти: Ўзбекистонлик спортчи илк бор Жаҳон чемпионатида трап дастурининг финалида қатнашди 0

12:00

Остон Ўруновни Эроннинг бошқа клуби сотиб олмоқчи 0

10:17

Саккизта медалга эга Ўзбекистон делегацияси IV Ёшлар ёзги Олимпия ўйинларида нечанчи ўринни эгаллади? 0

Фикрлар

< сўнгги янгиликларни кўриш

03 окт 08:30 Янгиликлар

Жаҳон чемпионати. Тўрт нафар шахматчимиз уч хил натижа қайд этди

Ўхшаш янгиликлар

03 окт 08:30
Янгиликлар