Жаҳон чемпионати. Тўрт нафар шахматчимизда юз фоизлик натижа!

Нуфузли мусобақада иштирок этаётган Ўзбекистон терма жамоасининг 4 нафар аъзоси ғолибона юришини давом эттирмоқда. Ҳумоюн Бекмуродов, гроссмейстер Жавоҳир Синдаров, Нодирбек Ёқуббоев ҳамда Афруза Ҳамдамова ўтказилган тўрттала партияда ҳам зафар қучишди. 

Ўн беш ёшли Жавоҳир Синдаров 4-турда туркиялик Атакан Бичерни, Ҳумоюн Бекмуродов қозоғистонлик Алихан Хазатулини, Афруза Ҳамдамова эса Шри-Ланка вакиласи Неминди Раманаякени мағлубиятга учратди. 17 ёшлилар турнирида қатнашаётган Шамсиддин Воҳидов эса яна бир ҳамюртимиз Нодирбек Ёқуббоевга имкониятни бой берди. 

Бу турда Али Қосимов қозоғистонлик Семён Зотовни, Баҳром Баҳриллаев яна бир қозоқ шахматчиси Ерасил Галимни таслим этди. Акбар Аллаберганов мўғулистонлик Тумурчудур Тувшинтулга билан дуранг ўйнади. Зайнура Абророва қозоғистонлик дугонаси Алия Шимбаевадан енгилди. Умида Омонова мўғулистонлик Хишигбаатар Баясгалан билан муросага келди.