Жаҳон чемпионати. Япония яққол пешқадам, Ўзбекистон 118 давлат орасида 13-ўринда!

Умумий мукофот жамғармаси 1 миллион долларни ташкил этган мусобақанинг етти кунлик баҳслари якунига кўра Япония терма жамоаси умумжамоа ҳисобида биринчи ўринни эгаллади. Дзюдо ватани вакиллари 5 та олтин, 4 та кумуш, 2 та бронза медали жамғаришди. Битта олтин, 1 та кумуш, 2 та бронза медалига эга чиққан Грузия иккинчи ўринни эгаллаган бўлса, кучли учликка худди шундай кўрсаткич билан Испания терма жамоаси якун ясади. 

Умуман олганда, жаҳон чемпионатида жами 27 давлат терма жамоаларига камида 1 та бронза медалини қўлга киритиш насиб этди. Шулардан 10 таси камида 1 та олтин медалга эга чиқди. Ўзбекистон терма жамоаси эса Давлат Бобонов (-90 кг) томонидан қўлга киритилган кумуш медаль эвазига 118 иштирокчи давлат орасида 13-поғонадан жой олди.