Жаҳон чемпионати йўлланмаси ўртага қўйилган Ўзбекистон чемпионатида ғолиблар маълум

2007-2008 йилларда туғилган ўғил болалар ва қизлар ўртасида ўтган мамлакат биринчилигида Қорақалпоғистон Республикаси, Тошкент шаҳри ва барча вилоятлардан келган 270 нафардан зиёд спортчилар ўзаро бел олишишди. Мусобақада ўғил болалар эркин ва классик йўналишларда ўн учта, қизлар эса эркин йўналишда саккизта вазн тоифасида ғолиблик учун куч синашишди. 

Ғолиблари Нукус шаҳрида ўтиши режалаштирилган ўсмирлар ўртасидаги жаҳон чемпионатига йўлланмани қўлга киритиши белгиланган ушбу мусобақа муросасиз ва шиддатли курашларга бой тарзда ўтди. 

Икки кунлик беллашувларда ўз вазн тоифаларида Абдулатиф Нуриддинов (Навоий), Диёрбек Нарзиев (Бухоро), Муродуллахон Ҳабибуллаев (Наманган), Шерзод Элбоев (Тошкент в.), Настарин Ўктамова (Қашқадарё), Гулсанам Раҳматиллаева (Наманган) сингари курашчилар барча рақиблари устидан ғалаба қозониб, жаҳон чемпионатига йўлланмани нақд қилишди.

Илҳом РАҲМОНОВ тайёрлади