25 июл 10:39
Янгиликлар

Спорт курашлари

Жаҳон чемпионатида 2 та медаль қўлга киритган курашчи қизларимиз Тошкентга қайтишди + ФОТО

Бугун Венгрия пойтахти Будапешт шаҳрида ўсмирлар ўртасида эркин, юнон-рум ва аёллар кураши бўйича ўтказилаётган жаҳон чемпионати ўз якунига етади.

Ушбу нуфузли мусобақада Ўзбекистон терма жамоаси курашчилари ҳар уччала йўналишда юртимиз шарафини ҳимоя қиляптилар. Бироз аввал аёллар кураши баҳсларида юртимиз шарафини ҳимоя қилган Ўзбекистон терма жамоаси Будапешт - Истанбул - Тошкент авиарейси билан юртимизга қайтиб келди.

Анатолий Ибрагимов ва Тўймурод Адизов мураббийлигидаги терма жамоамиз жаҳон чемпионатида 2 та бронза медалини қўлга киритди. Хуршида Қосимова (65 кг) ва Улмекен Есенбаева (61 кг) терма жамоамизга бронза медалларини тақдим этган эди. Делегациямиз Ислом Каримов номидаги Тошкент халқаро аэропортида кутиб олинди. Энди қизларимиз режа бўйича 18-25 август кунлари Россиянинг Уфа шаҳрида ўтказиладиган ёшлар ўртасидаги жаҳон чемпионатида иштирок этади.