«Жаҳон чемпионатида Баҳодир Жалолов билан жанг қилишга имкон беришмади» - озарбайжонлик боксчи

Тошкентдаги жаҳон чемпионатида 92 вазн тоифасида бронза медалини қўлга киритган озарбайжонлик Муҳаммад Абдуллаев Баҳодир Жалолов ҳақида гапирди.

«Ўзбекистон ва Қозоғистонда бокс азалдан жуда кучли ривожланган. Улар ҳар доим жуда кучли бўлишган. Ҳа, Россия ва Куба анъанавий равишда кучли. Лекин ҳозир Ўзбекистон ва Қозоғистон боксчилари етакчи. Улар ҳеч қачон кубалик ва руслардан қолишмаган. Баҳодирга келсак, Олимпиадада унга ютқазганман. Жаҳон чемпионатида эса у билан жанг қилишимга имкон беришмади. Финалда кубалик боксчи унга қарши чиқишни ҳам истамади, Баҳодирдан эҳтиёт бўлди», - деди озарбайжонлик боксчи.