Жаҳон чемпионатида биринчи бўлган дзюдочиларимизни энди Осиё чемпионати кутмоқда

Ҳар икки ёш тоифасидаги қитъа биринчилигида Ўзбекистон терма жамоалари тўлиқ таркибда иштирок этади. Таркибдан куни кеча Болгарияда ўсмирлар ўртасида ўтказилган жаҳон чемпионатида муваффақиятли қатнашган дзюдочиларимиз жой олган. 

Ўзбекистон дзюдо федерацияси раиси Азизжон Камилов сафар олдидан турган делегация аъзолари - мураббийлар, дзюдочилар, шифокорлар билан учрашди. Федерация раҳбари Осиё чемпионатига йўл олаётган ҳар бир дзюдочи билан алоҳида суҳбатлашди. Биз учун муваффақиятли кечган жаҳон чемпионати тарихга айлангани, олдинда бизни янги чақириқлар кутаётгани, ҳар бир беллашувга ўзини худди финалга чиқаётгандек тайёрлаши кераклигини алоҳида урғулади.     

Маълумот учун, Ўзбекистон ўсмирлар терма жамоаси эртага, ёшларимиз эса 10 сентябрь куни Жакарта шаҳрига жўнаб кетади.