Жаҳон чемпионатида биринчи ўринни эгаллаган дзюдочиларимизнинг иштироки танқидий руҳда кўриб чиқилди + ФОТО

Ушбу мусобақада муваффақиятли тарзда иштирок этган ҳарбий-дзюдочиларимиз якунда умумжамоа ҳисобида биринчи ўринни эгаллашганди. Жамоавий баҳсларда эса бронза медалига эга чиқишганди. Ўзбекистон дзюдо федерациясида ўтган таҳлилий-танқидий руҳдаги йиғилишда жаҳон чемпионатидаги иштирокимиз атрофича муҳокама қилинди. 

Йиғилишда Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов, Ўзбекистон Мудофаа вазири ўринбосари Алишер Нарбаев, федерация раиси ўринбосарлари, бош котиб, терма жамоа мураббийлари ҳамда дзюдочилар иштирок этди. 

Азизжон Камилов ва Алишер Нарбаев айрим вазн тоифаларидаги дзюдочиларимиз ўзларига билдирилган ишончни оқлай олишмагани, йўл қўйилган хато ва камчиликлар ҳақида фикр билдириб, машғулотларда хатолар устида ишлаш ҳамда олдинда турган нуфузли мусобақаларда уларни такрорламасликка чақиришди.