15 апр 15:35
Янгиликлар
Хоккей
Жаҳон чемпионатида бугун дам олиш куни. Ўзбекистоннинг кейинги дивизионга кўтарилиш имкониятлари қандай?
Арманистоннинг Ереван шаҳрида ўтказилаётган хоккей бўйича дунё биринчилигининг IV дивизионидан ўрин олган навбатдаги учрашувлар бўлиб ўтди.
Кун давомида Ўзбекистон миллий терма жамоаси номинал мезбон сифатида мусобақа мезбонлари — арманистонлик хоккейчиларга қарши музга чиқди. Ўйинда Арманистон термаси буллитлар сериясида зафар қучиб, жаҳон чемпионатининг кейинги дивизион йўлланмасини деярли қўлга киритди.
Бугун мусобақада дам олиш куни. Эртанги кун доирасида Ўзбекистон Эрон, Арманистон Қувайт, Малайзия эса Индонезия терма жамоаси билан баҳс олиб боради.
Ҳозирда арманистонликлар турнир жадвалида беш очко билан пешқадам бўлиб турибди. Ундан кейинги ўринда эса тўрт очколи Ўзбекистон келмоқда. Арманистон қолган барча ўйинларда очко йўқотмаган тақдирда III Б дивизионига кўтарилади.
Ҳавола :
Манба : olamsport.com
Фикрлар