Жаҳон чемпионатида медаль қўлга киритган давлатлар 21 тага етди + ЖАДВАЛ

Токио Олимпиадаси олдидан ўтказилаётган сўнгги IJF мусобақасининг тўртинчи кунги беллашувларидан сўнг жаҳон чемпионатининг камида битта медалини қўлга киритган давлат терма жамоалари сони 21 тага етди. Жадвалнинг 22-поғонасидан 3 та 5-ўрин билан Ўзбекистон терма жамоаси бормоқда ва умид қиламизки, бизда ҳали медаллар бўлади. 

Ҳамон Япония терма жамоаси медаллар жамғариш бўйича катта устунлик билан етакчилик қилмоқда. Дзюдо ватани вакиллари 3 та олтин, 2 та кумуш, 1 та бронза медалини қўлга киритиб улгуришди. 

Битта олтин ва 1 та кумуш медалига эга Грузия иккинчи ўринни эгаллаган бўлса, кучли учликка 1 тадан олтин ва бронза медали билан Россия терма жамоаси якун ясаган. Франция, Белгия ва Канада терма жамоалари сафида ҳам бир нафардан жаҳон чемпиони бор.