Жаҳон чемпионатида медаль қўлга киритган давлатлар сони 9 тага етди + ЖАДВАЛ

Биринчи кунги баҳсларда 6 давлат дзюдочилари шоҳсупага кўтарилган эди. Кечаги кундан сўнг жаҳон чемпионатининг камида битта бронза медалини ўз ҳисобига қўшиб қўйган мамлакатлар сони 9 тани ташкил этмоқда. Италия, Исроил ва Швейцария терма жамоалари иккинчи кунги баҳсларда жаҳон чемпионати медалига эга чиқишди.   

Медаллар жамғариш бўйича Япония терма жамоаси катта фарқ билан пешқадамлик қилмоқда. Дзюдо ватани вакиллари 3 та олтин ва 1 та кумуш медаль билан умумжамоа ҳисобида 1-ўринни эгаллаб туришибди. 

Тўртта олтин медалдан биттасига Россия терма жамоаси эга чиққан ва табиийки, улар жадвалда иккинчи поғонадан жой олишган. Кучли учликка 1 та кумуш, 2 та бронза медали билан Испания терма жамоаси якун ясаган.