Жаҳон чемпионатида муваффақиятли иштирок этган ўсмир оғир атлетикачиларимиз тантанали кутиб олинди

Ёш полвонларимиз Тошкент халқаро аэропортида Ўзбекистон Оғир ателтика федерацияси раҳбарияти, оммавий ахборот воситалари ходимлари, оила аъзолари ҳамда кенг жамоатчилик вакиллари томонидан тантанали кутиб олинди.

Ушбу дунё биринчилигида сайёрамизнинг 43 та мамлакатидан 242 нафар спортчи иштирок этди. 

Ўзбекистон терма жамоаси аъзолари якунда 2 та олтин, 6 та кумуш, 4 та бронза, жами 12 та медал қўлга киритди.

Ўзбекистон медаллар бўйича умумжамоа ҳисобида эркаклар орасида (2 та олтин, 5 та кумуш, 2 та бронза) 7-ўринни эгаллади ва кучли ўнликдан жой олди.

Умумий очколар классификациясига кўра эркаклар ўртасида Грузия терма жамоаси тенгсиз бўлди, аёлларда эса Мексика 1-ўринни банд этди.

Медаллар бўйича умумжамоа ҳисобида 1-ўринни Венесуэла терма жамоаси (4 та олтин, 5 та кумуш, 2 та бронза) эгаллаган бўлса, эркаклар орасида биринчи бўлиш Миср терма жамоасига (3 та олтин, 5 та кумуш, 2 та бронза) насиб этди.